АСЗ-ийн гэр бүлүүдэд,

Та бүхнийг амралтын баяраа сайхан өнгөрүүлж амарч баярлаж авсан гэж найдаж байна. Манай 2020-2021 оны хичээлийн жилийн ажил зун үргэлжилж Мягмар гараг бүр шинэ мэдээ мэдээлж байх болно.

Өчигдөр 7-р сарын 6-ны өдөр бид ParentVUE-ийн сонголтын үйл явцыг эхлүүлсэн бөгөөд сурагчдын ар гэрийнхэн 7-р сарын 20-ны дотор хүүхэддээ тохирох хичээллэх аргыг сонгох юм. Биеэр-зайнаас ба 100% зайнаас гэсэн хоёр сонголт бий. Та бүхэн энэ талаар School Talk-ийн имэйл, текст мессеж авсан байх ёстой бөгөөд нэмэлт мэдээллийг АСЗ-ны веб хуудаст тавьсан байгаа.

ParentVUE руу нэвтрэн “Student Information” (Сурагчийн мэдээлэл) табруу хэсэгрүү очоод “Edit Information” (Мэдээлэл засах) гэдгийг сонгоод доош нь гүйлгээд улаанаар заасан хичээл болон тээврийн сонголтын мэдээллийг сурагч болгонд шинэчлэх ёстой. Хэрэв ParentVUE руу нэвтэрч чадахгүй байвал сургуулийнхаа оффист хандах буюу вебсайт дээрх тусламж зөвлөгөөнүүдийг харна уу. Хэрэв та сургуульруугаа залган нэр, утасны дугаараа үлдээвэл сургуулийн ажилтан тантай эргэн холбоо барих болно. Таны хариулт энэ намрын төлөвлөгөөг гаргахад чухал учраас сонголтоо 7-р сарын 20-ны дотор хийнэ үү. Хэрэв бид таны сонголтыг 7-р сарын 20-ны дотор авахгүй бол таны хүүхдийг хольмог хичээлд бүртгэнэ.

Бид engage@apsva.us имэйлээр маш их асуултууд хүлээн авсаар байгаа ба аль болох түргэн хариулахыг хичээж байна. Бидэнрүү асуулт илгээхийн өмнө вебсайт дээрх Нийтлэг асуултуудыг харна уу. Нийтлэг асуултууд болон хичээллэх загварын талаарх хуудсуудыг хүлээн авч буй асуултуудаас хамааран тогтмол шинэчилж байгаа. Тодорхой анги, хуваарийн талаарх шийдвэрийг сурагчдын бүртгэл, ажилтнуудыг бодолцсоны үндсэн дээр гаргах учраас энэ талаарх зарим асуултанд одоогоор хариу өгөх боломжгүй байна.

Би дараагийн Мягмар гараг буюу 7-р сарын 14-ний өдөр Нийтийн Хурал уулзалтыг онлайнаар оройн 6:30-8:00 цагийн хооронд явуулж АСЗ-ны Сургууль Нээх Төлөвлөгөөний талаарх асуултуудад хариулна. Надтай хамт Сургуулийн Зөвлөлийн дарга Моник О’Грэйди болон Багшлалт, Сургалтын Туслах Суперинтендент Брижет Лофт нар байна. Нийтийн хурал уулзалтыг Microsoft Teams болон Арлингтоны Сургуулийн Захиргааны Фэйсбүүк хуудсаар лайв дамжуулна. Энэ өдрийг тэмдэглэх нь зүйтэй бөгөөд бид долоо хоногийн сүүлээр School Talk-оор нэгэн зэрэг хэлмэрчилгээнд хэрхэн нэвтрэх талаар нэмэлт мэдээлэл өгнө.

Тэр болтол амралтын өдрөөр хүлээн авсан асуултуудад үндэслэн хэд хэдэн зүйлийг онцлохыг хүсч байна:

• АСЗ яагаад бүтэн цагаар сургууль дээр хичээллэх сонголтыг өгөхгүй байгаа вэ: Олгосон хоёр сонголтын хувьд хүндхэн шийдвэр гаргах ёстойг бид ойлгож байна. Өвчин Хяналт, Урьдчилан Сэргийлэлтийн Төв, Виржиниа мужийн Эрүүл мэндийн Яам, орон нутгийн эрүүл мэндийн албанаас баталсан зай барих шаардлагаас үүдэн энэ үед бүтэн цагаар сургууль дээр хичээллэх боломжгүй байна. Зай барих журамд сургууль дотор зэрэг байж болох сурагчид, ажилчдын тоог хязгаарласан учраас хольмог хичээлийн загварыг хэрэгжүүлсэнээр долоо хоногийн тодорхой өдрүүдэд сурагчдын хагасыг хичээллүүлж анги, автобусанд байх сурагчдын тоог бууруулах боломжтой юм.
• Эрүүл мэндийн нөхцөл байдал сайжирвал АСЗ яах вэ: Хэрэв цар тахлын нөхцөл байдал сайжирч зай барих болон бусад эрүүл мэндийн шаардлагуудад өөрчлөлт орж АСЗ-нд бүх сурагчдыг биечлэн хичээллүүлэх боломжийг олговол бид тухайн үед үйл ажиллагаа дахин нягтална.
• Эрүүл мэндийн нөхцөл байдал муудвал АСЗ яах вэ: Бид Өвчин Хяналт, Урьдчилан Сэргийлэлтийн Төв, муж орон нутгийн эрүүл мэндийн албанаас гаргасан Ковид-19-ийн журмыг өдөр бүр анхаарч ажигласаар байна. Манай хольмог хичээлийн загвар нь мужийн буцааж нээх төлөвлөгөөний 3-р үе шатанд эхлэх хичээлийн жилээс хамаарна. Хэрэв эрүүл мэндийн мэдээ болон Арлингтон Дүүргийн Нийтийн Эрүүл Мэндийн Хэлтсийн зөвлөмжөөр сургуулийг хаахыг шаардвал хольмог хичээлд хамрагдаж буй сурагчид, ажилчдыг 100% алсын зайн хичээлрүү шилжүүлнэ. 100% алсын зайн хичээлд нэгэн зэрэг багш хичээл заах болон сурагчид өөрсдөө бие даан хичээллэх орно.
• Алсын зайн хичээллэлт нь өнгөрсөн хаврынхаас юугаараа ялгаатай байх вэ: Энэ хоёр загварын хувьд Виржиниа мужийн боловсролын стандартаар шаардсан бүх хичээл болон шинэ контентуудыг оруулах ба даалгаварт дүн тавьж сурагчдын ирц авч сурагчид багш, ангийнхантайгаа харилцах боломж илүү их байна. Алсын зайн сургалтанд багш хуваариараар нэгэн зэрэг хичээл заах болон бүлгээр эсвэл ангиараа нэгэн зэрэг бус/бие даасан байдлаар хичээллэх багтана. Бүх сурагчдыг алсын зайн хичээлд хамруулах үүднээс төхөөрөмж олгон холболтыг хийж өгнө.
• Хольмог аргад хамрагдсан сурагчид сургууль дээр хэзээ ирж хичээллээд хэзээ харих вэ: Хольмог загварын хичээлийн цаг нь энгийн сургуулийн өдөртэй адил байх боловч автобусанд зай барих, температур шалгах, гар угаах шаардлагуудыг хичээл эхлэх, дуусах цагуудад зөрүүлж тавих ба ингэснээр сургууль дээрх хичээл эхлэх, дуусах цагууд нь зарим сурагчдын хувьд энгийнээс өөр байж болно. 2020-2021 оны Сунгасан өдрийн үйл ажиллагаатай холбоотой шийдвэр гараагүй байна. Хичээлийн өдөр ямар байж болох талаарх мэдээллийг долоо хоногийн жишээ хувиариас харна уу.
• АСЗ 100% алсын зайн сургалтын хүрээнд сургуулийн соёл, холбоог хэрхэн хадгалах вэ: АСЗ нь сурагчид, багш нарыг өөрсдийнх нь сургуулийнхтай нь нэг бүлэгт оруулах тал дээр хичээж ажиллана. Эцсийн бүлэг нь ажилтнуудын орон тоо, сурагчдын хамралтаас хамаарна. Жишээ нь хэрэв тодорхой нэг сургууль онлайнаар заах 5-хан багтай мөртлөө 100%-ийн алсын зайн хичээлд олон сурагч хамрагдсан бол өөр сургуулийн багш нараар зарим хичээл заалгах шаардлага үүс болно. 8-р сарын эхээр сурагчдын хамрагдалтын мэдээллийг авч багш нарыг сонгон ерөнхий хуваарь, сурагчдын бүлгийг гаргамагц илүү их мэдээлэл өгөх болно.

Бид бүх ангийн сурагчдад сонгосон хичээлийн аргаас үл хамааран сургуулийг аюулгүй, хүчтэй байдлаар эхлүүлэхийг зорин ажиллаж байна. Манай ажлын баг 7-р сарын 13-ны өдөр Даваа гарагт хуралдан аюулгүй байдал, хүүхдийн асаргаа, тээврийн талаар хэлэлцэх тул таныг 7-р сарын 14-ний өдөр Нийтийн хуралд оролцохыг хүсч байна. Баярлалаа.

Хүндэтгэсэн,

Доктор Франциско Дуран
Суперинтендент
Арлингтоны Сургуулийн Захиргаа